مهند وبنات السعوديه

في احد المحاضرات سئلت المدرسة سؤال وتبي الجواب على شان تقرب الشرح من المثال اللى بتقولة

وكان السؤال ….

ايش المواصفات فارس أحلامك ؟؟


صرخت احد البنات في المحاضرة وقالت : وسييييييييييييييييم .. >> انا ما اعرف لية البنات يبغون واحد وسيم بتصور معاه مثلا ..!! ” لكن ما اخفي عليكم سئلت هذي البنت لية تبغين وسيم لان خاطري اعرف بصراحة الجواب كل اسمع البنات يبغون شاب وسيم ؟ قالتلي البنت على شان اتكشخ فيه قدام صديقاتها ” !!!!! No comments


الا الثاني تصرخ وتقول : لا مو لازم وسيم اهم شئ اخلاقة اهي اللى راح تدوم يامس>>ونعم العقل والله ..

المدرسة وافقت البنتين واكتبت الشرطين على السبوره ..

المدرسة مشغولة بشرح المثال وتطرح امثلة ثانية ، الا شوي البنت الاولى تصرخ مرة ثانية وتقول

اي اي اي صح يا مس تذكرت وبعد ابغاه يكون (طويل ) ” واهي البنت تتكلم وتلعب بشعرها”>> مادري في احد قايل لها ان المدرسة تشتغل خطابة :d

المدرسة اضحكت عليها وقالت ولا يهمك واكتبت على السبورة (طويل )

وتكمل المدرسة الشرح واهي متحمسه ، وكان السؤال مجرد مثال ماله اي دخل بالدرس ..

تصرخ البنت مرة ثانية نفسها وتقول : مس يعني ابغاه زي (مهند )

مهند ……….؟؟؟؟

مهند ونور …..!!!!

ايش الابطال ذولي اللى طالعين لنا ومطفشينا عليهم استغفر الله العظيم ..

كان حديثنا يوم الاربعاء من كم اسبوع في بيت خالي عن البنات السخيفات ان بكل مكان صاير حديثهم عن جمال مهند ،، وانة وسيم وانهم يبغون واحد زيه وسيم ورمانسي ..

الحمدلله ان بنات خالي متفقين معاي كل الاتفاااااااق ان مهند مو حلووووو ولا وسيم ولا فية اي ذرة من الوسامه

( كل في بيت خالي باعمار مختلفة وكل وحده بمدرسة واللى موظفة واللى بجامعه وكلهم عندهم نفس الموضوع كل يوم على مهند ونور )

قلت حق وحده من البنات بالماسنجر انه مو حلو

قالت لي مالت عليك >> حسيت اني ما اشوف او عميه او ماعندي ذوق لا سمح الله !!!! ،، وسئلتني مين الحلو اجل بنظرك ؟؟ : قتلها والله اخواني احلى من مهند عندك اعتراض لا سمح الله ..

والحمدلله الكل أكد لي انه مو حلو

* وبدا الحديث عن هذا المسلسل وان بيكون لة صدى زي (ماريا مارسيدس ) >> في بدوية انقهرت من ماريا مارسيدس سمت نفسها وضحى نيسان :d

المهم …!!

شوية الا بنت خالي تحط على القناة على شان تبي تروي خالتي مهند ونور ، وكان مهند لابس شال ؟؟

تعرفون الشال حق الشتاء الصوف اللى يلفونة على الرقبة على شان البرد ..

اصرخت اختي ضايعه وقالت ان عندها زي هذا الشال وانها راح تعرضة للبنات الاغبياء وبتقول لهم انه شال مهند وبتأجرة عليهم >> مشروع جديد

واقل من خمس دقايق ، الا تقول اختي ضايعه وش رايكم نشتري تي شرتات رخيصة ونطبع صورة مهند ونبيعها على الناس الاغبياء مابيكلفنا شئ ..

وما تكمل كلامها الا تقول : ولا تدرون شفتوا هذي الميدليات عندنا كثير منها حق الدعاية نفتح الميدلية ونشيل الشعار ونحط صورة مهند ونبيعها مايكلفنا ولا شئ ونربح >> مشاريع فاشلة ..

طبعا انا وبنت خالي كانت جالسة جمبي انفجرنا من الضحك واختي تكمل كلامها وكانها الان بتفتح المشروع واحنا الضحك يزيد كل ماقالت مشروع ثاني نضحك اكثر هههههههههههــ واقول حق بنت خالي اول مرة احب اختي واختك

- ما اعرف وش هالعقول اللى عند البنات تحب ممثل بالتلفزيون الحمدلله والشكر ..

مره كنت اقول حق مضيع سالفة عن البنات قال:- آآآآخ بس لو احد يطقهم ططططططططق هالبنات . ” انا اشهد وابصم على العشرة ان اخوي شايب :d”


* اللى فاقع كبدي بقصة نور ومهند ان الحلقات كثيرة ، وش الفضاوة بيشوفون فوق 100 حلقة ( انا لما اتابع مسلسل وادري انه 31 حلقة ما اكمله خلاص لازم مايزيد عن 30 )

والشئ الاهم كيف الامهات مخلين اعيالهم الصغار يشوفون مسلسل زي كذا ، بنت بالروضة تشوف مهند ونور ويقولون بعد مانقدر نضبط اعيالنا ولا نقدر نربيهم وعيال هالزمن صايرين متفتحين ..





صحيح الام مدرسة >>> مو بس الام مدرسة والله وانا اشهد ان الام جامعه مو مدرسة :d

( يعني مثلا الام منسدحة مع بناتها وتشوف مسلسل مهند ونور او من المسلسلات المنحطة بصراحه انا اشوفها هذي كارثه ،، صحيح امي من العصر القديم وترفض رفض شديد mbc2 واختها 4 ، ولكن ما اتوقع ان تمنع من متابعة برنامج رائع في ام بي سي 4 وخصوصا البرامجهم الاجنبية الرائع اللى ماعندنا زيها يا العرب ،، بس بحدود العقل .. )

- لحد يجي ويتهجم على ويقولي انتي ماشفتي المسلسل مهند ونور انا كتبت البوست قبل لا اشوف المسلسل وقلت لا ما انشر البوست والا بعد ما اشوف كم حلقة من المسلسل على شان أأكد لكم ان كلامي صحيح وانى مو غلطانه ،،

جلست يومين وانا احط يدي على خدي واقول وش هالسخافة وش هالبياخه وانا اتابع المسلسل واحس الضغط وصل لين راسي .. (( بس لما الواحد يجي يكتب عن بوست وراح يعرضه لازم يكون عنده خلفية عن الموضوع على شان مايغلط على الشئ نفسة ))

وانا اتابع المسلسل اكتشفت انه اسخف من ما كنت اتوقع واعتبر هالمسلسل مضيعه للوقت والعقل ..

سئلت مجموعه كبيرة من البنات بنفس عمري واهم يتابعون هالمسلسل وش فية يعني ؟؟

تقولي وحده ياااااااي مضيعه يجنن والله لو تشوفينه تدوخين >> الحمدلله والشكر بس

اما الثانية قالت لي والله الناس تتابع اتابع معاهم ..

اما وحده من صديقاتي المقربات جدا واعرف تفكيرها زي تفكيري سئلتها عن المسلسل قبل لا اتابعه من فترة ، قالت مضيعه شفت كم حلقة من كثر ما الناس تتكلم والله العظيم مافي قصة بس يخرب عقول البنات وسخافة ماتتخيلين لاتشوفينه احسن لك ..

- الى متى راح يظلون الناس على هالوضع ..؟؟



اتمنى انها تعجبكم

يسلمو قلبي انا اللي اقولك مشكوره ردك رائع موع يسلمو